"Шаҳраки солинавӣ" дар маркази Душанбе
Дар кӯчаи марказии Душанбе як шаҳраки солинавӣ бунёд шудааст, ки сокинону меҳмонони пойтахтро дар бораи омад-омади Соли нав огоҳ мекунад.
Бозорчае, ки ҳафтаи ҷорӣ арзи ҳастӣ кард, нахустин бор дар пойтахти Тоҷикистон бунёд шуда, ба шаҳракҳои идонаи мардуми Аврупо шабоҳат дорад. Нуру ҷилои шаҳрак аз Боғи Рӯдакӣ то наздикиҳои пайкараи Исмоили Сомонӣ ҳамаро пур карда, ҳашт дӯкони чӯбӣ хурду бузургро бо фазои идонааш ба худ ҷалб мекунад.