Дар як сол ҳудуди 50 ҳазор зан аз хушунати хонаводагӣ ҷон бохтаанд
Дафтари СММ оид ба маводи мухаддир ва ҷинояткорӣ мегӯяд, дар як сол дар саросари дунё ҳудуди 50 ҳазор зану духтар дар пайи хушунати шарикон ё наздиконашон ҷон додаанд. Ба иттилои СММ, соли 2017 ҷамъан 87 ҳазор зан кушта шудааст. Дар натиҷаи задухӯрдҳои мусаллаҳонаи ин сол 89 ҳазор одам ҷон бохтаанд.
Муаллифони гузориш мегӯянд, шумори занҳое, ки дар пайи хушунати хонаводагӣ ҷон бохтаанд, назар ба соли 2012 афзоиш ёфтааст. Бештари хушунатҳои хонаводагии соли 2017 дар Осиё (ҳудуди 20 ҳолат) ба қайд гирифта шудааст. Дар Африқо ҳудуди 19 ҳазор зан аз хушунати шарикон ё наздиконашон ҷон бохтаанд. Ин нишондод дар қитъаи Амрико 8 ҳазор ва дар Аврупо 3 ҳазорро ташкил медиҳад.