Қароргоҳи мусодирашудаи Гулнораро ба федератсияи триатлон медиҳанд
Федератсияи триатлон ё варзиши омехтаи иборат аз дучархасаворӣ, дав ва шиноварии Узбекистон қароргоҳи Гулнора Каримоваро дар минтақаи истироҳатии "Сижжак"-и ноҳияи Бостанлиқи вилояти Тошканд соҳиб мешавад. Дар ин бора расонаҳои маҳаллии Узбекистон хабар медиҳанд.
Лоиҳаи рушди варзиши триатлон дар Узбекистон рӯзи 24-уми июл нашр шуд.
Интизор меравад, дар минтақаи истироҳатии "Сижжак" пойгоҳи тамринии федератсия сохта шавад. Барои сохтмони пойгоҳ 1,7 миллион доллар ҷудо хоҳад шуд. Дар истироҳатгоҳи "Сижжак" меҳмонхона, се ҳавзи шиноварӣ, амфитеатр ва дигар иншоот мавҷуд аст.