АП: Вазорати беҳдошт хуруҷи зардпарвин дар Тоҷикистонро рад кард
Вазорати тандурустии Тоҷикистон сару садоҳо дар бораи хуруҷи бемории зардпарвин дар кишварро рад кардааст. Наврӯз Ҷаъфаров, сардори Раёсати амнияти беҳдоштии Вазорати тандурустӣ ба хабаргузории "Азия-плюс" гуфтааст, вазъи эпидемиологӣ дар кишвар муътадил буда, асосе барои ташвиш надорад. Қаблан овозаҳое пайдо шуд, ки гӯё дар қаламрави Тоҷикистон хуруҷи ин вирус мушоҳида мешавад.
Ҷаъфаров гуфт, ки бемории зардпарвин мавсимӣ буда, бештар аз ҳама кӯдакони синни аз 3 то 14-сола дар баробари ин вирус осебпазир ҳастанд.