Амрико ба Чин ҳушдор дод
Энтони Блинкин, вазири умури хориҷии ИМА ба ҳамтои чинии худ ҳушдор дод, ки барои дигаргун кардани вазъият дар Тайван яктарафа амал накунанд.
Вазири хориҷии ИМА ва Чин рӯзи 31-уми октябр дар шаҳри Рум, дар ҳошияи нишасти “Гурӯҳи 20” дидор доштанд.
Энтони Блинкин ба Ван И, вазири умури хориҷии Чин гуфтааст, ки ИМА ба рафторҳои ахири Чин дар робита ба Тайван нигарон аст.
Ӯ суҳбат бо ҳамтои чинии худро созанда унвон кард.
Тайван аз Чин дар ҷанги шаҳрвандии соли 1949 ҷудо шуда буд, вале ҳанӯз Чин онро хоки худ медонад. Моҳҳои ахир нишонаҳои ҷанҷол миёни Чин ва Тайван бештар шудааст.
ИМА ба Тайван ваъда кардааст, ки аз истиқлолияташ пуштибонӣ мекунад.