Нимфинали Ҷоми Осиё-2022: Узбекистон – Ҷопон ва Тайланд – Эрон
Дастаҳои мунтахаби футзали Ҷопон, Эрон, Тайланд ва Узбекистон, ки дар бозиҳои даври чорякниҳоии Ҷоми Осиё-2022 бар рақибонашон пирӯз шуданд, ба нимфинали мусобиқот роҳ ёфтанд.
Дар бозиҳои даври чорякниҳоии Ҷоми Осиё-2022, ки 4-уми октябр дар Кувайт баргузор шуданд, мунтахаби Ҷопон тими Индонезияро бо ҳисоби 3:2, тими Эрон мунтахаби Ветнамро бо ҳисоби 8:1, дастаи Тайланд мунтахаби Тоҷикистонро бо ҳисоби 3:2 ва тими Узбекистон дастаи Кувайтро бо ҳисоби 3:0 мағлуб карданд.
Дар даври ниманиҳоии Ҷоми Осиё-2022, ки рӯзи панҷшанбе, 6-уми октябр, баргузор мешавад, мунтахаби Узбекистон бо дастаи Ҷопон ва мунтахаби Тайланд бо тими Эрон рақобат хоҳанд кард.
Ҷоми Осиё-2022 оид ба футзал
Чорякфинал
Тайланд – Тоҷикистон – 3:2
Голҳо: Панут Киттипанувонг, 2 (1:0). Иқбол Воситзода, 28 (1:1). Идрис Ёров, 34 (1:2). Ҷетсада Чудеч, 35 (2:2). Ворасак Срирангпирот, 40 (3:2).
4 октябр. Ал-Кувайт. Маҷмааи варзишии «Саъд Ал-Абдуллоҳ». 236 тамошобин.
Ҷопон – Индонезия – 3:2
Эрон – Ветнам – 8:1
Узбекистон – Кувайт – 3:0
6 октябр (панҷшанбе)
Нимфинал
19:00 - Узбекистон – Ҷопон
Ал-Кувайт. Маҷмааи варзишии «Саъд Ал-Абдуллоҳ».
22:00 - Тайланд – Эрон
Ал-Кувайт. Маҷмааи варзишии «Саъд Ал-Абдуллоҳ».
8 октябр (шанбе)
Бозӣ барои ҷойи сеюм
Оғози бозӣ – соати 19:00
Ал-Кувайт. Маҷмааи варзишии «Саъд Ал-Абдуллоҳ».
ФИНАЛ
Оғози бозӣ – соати 22:00
Ал-Кувайт. Маҷмааи варзишии «Саъд Ал-Абдуллоҳ»
Эзоҳ: замони оғози бозиҳо – ба вақти Душанбе