Қирғизистон дар бораи боздошти муҳоҷирон аз Русия шарҳ хостааст
Вазорати корҳои хориҷии Қирғизистон рӯзи 14-уми апрел сафири Русия дар Бишкек Сергей Вакуновро фаро хонда, дар робита ба боздошти бераҳмонаи муҳоҷирон ёддошт ё худ нота тақдим кардааст.
Ба навиштаи расонаҳои Қирғизистон, Алмос Имонғозиев, вазири корҳои хориҷии ин кишвар, бо дипломати рус қазияи боздошти дастҷамъии муҳоҷирони қирғизистонӣ дар як ҳаммоми Маскавро баррасӣ намуда, шарҳи онро талаб кардааст.
Ҳодиса 10-уми апрел ба вуқӯъ пайваста, дар он ниҳодҳои қудратии Русия бидуни кадом зарурате бо истифода аз зӯр муҳоҷиронро боздошту тафтиш карданд.
Вазорат тақозо кардааст, ки ҳуқуқи шаҳвандони Қирғизистон дар Русия ҳифз гардад, то коршарикии стратегии ду кишвар аз ин гуна ҳодиса халалдор нашавад.