Ду ноболиғ дар Тоҷикобод ғарқ шудаанд
Ду писари 4 ва 6-сола дар ноҳияи Тоҷикобод ғарқ шудаанд. Кумитаи ҳолатҳои фавқулода мегӯяд, ҳодиса 14-уми апрел рух додааст.
Ба қавли манбаъ, ин ду писар берун аз назорати волидайн дар дарёи Шӯрак оббозӣ карда, ҷонашонро аз даст доданд. Ҷасади ҳарду ноболиғро пайдо карда ба наздиконаш супоридаанд.
Кумитаи ҳолатҳои фавқулода аз волидайн дархост кардааст, ки фарзандони худро беназорат нагузоранд.
Ғарқ шудани ду ноболиғ дар ҳолест, ки минтақаи Рашт рӯзи 13-уми апрел шоҳиди заминларзаи сахте шуд. Дар пайи ин ҳодиса як писари 3-сола зери девор монда ба ҳалокат расид ва даҳҳо манзил дар ноҳияҳои Рашт ва Тоҷикобод осеб дид.