Як духтари қирғиз баъди афтидан аз чархофалак ҷон дод
Як духтари 18-сола дар Қирғизистон аз "чархофалак" ("карусел") афтида, ҷон додааст. Ҳодиса 21-уми сентябр дар боғи ба номи Алишери Навоии шаҳри Уш рух дод.
Ба гуфтаи мақомоти маҳаллӣ, духтар баъди афтидан захмҳои вазнин бардошта буд ва барои ҳамин пизишкон натавонистанд ӯро наҷот диҳанд.
Мақомоти корҳои дохилии шаҳри Уш гуфтанд, сабабҳои рух додани ҳодисаро таҳқиқ доранд.
Ин бори аввал нест, ки дар Қирғизистон сокинон дар пайи афтидан аз “чархофалак” захмӣ ё маҷруҳ мешаванд.