Сафорати ИМА дар рӯзҳои саммити Душанбе маҳдуд кор мекунад
Сафорати Амрико дар Тоҷикистон эълон кард, ки ба далели баста будани роҳҳо ва маҳдудияти эҳтимолӣ дар Душанбе, рӯзҳои 9 ва 10 октябр бо теъдоди андаки кормандон фаъолият мекунад.
Дар хабарномаи Сафорат омадааст, ки қабули муқаррарии консулӣ ба рӯзҳои дигар мавқуф гузошта шуд.
Сафорат ҳамчунин гуфтааст, ки рӯзи 13 октябр бинобар ҷашни Рӯзи Колумб дар Амрико, дарҳояш баста мебошанд ва кори кори муқаррарӣ сешанбеи 14 октябр аз сар гирифта мешавад.
Пойтахти Тоҷикистон ин рӯзҳо мизбони нишасти сарони кишварҳои Иттиҳоди Давлатҳои Мустақил мебошад ва ба ин хотир, чораҳои амниятии сахте ҷорӣ шудааст.
Аз ҷумла бозор, калонтарин марказҳои савдо, роҳҳои марказӣ ва масҷидҳои калон баста шуда, вуруд ба пойтахт маҳдуд шудааст.