ÝHHG-nyň Aşgabatdaky merkeziniň seminara çagyran eksperti ýurda goýberilmedi
Merkezi Aziýadaky parahatçylyk dörediji we mediatehnologiýa mekdebiniň programma direktory Inga Sikorskaýa ÝHHG-nyň Aşgabatdaky seminaryna gatnaşmak üçin Türkmenistana goýberilmedi diýip, mekdebiň 6-njy aprelde ýaýradan beýanatynda aýdylýar.
Sikorskaýa 5-nji aprelde geçýän seminara ÝHHG-nyň Aşgabatdaky merkezi tarapyndan çagyryldy we, ekspert hökmünde, internetiň terrorçylykly maksatlar üçin ulanylmagyna garşy görülmeli çäreler boýunça çykyş etmelidi.
I.Sikorskaýanyň Aşgabatdaky ÝHHG merkezinden resmi çakylygynyň we 3-nji aprele alnan awia biletleriniň bardygyna, çykyş etmelileriň sanawyna girizilendigine garamazdan, Merkeziň wekili oňa “wiza goldawy üçin hat almagyň başartmandygyny” habar berdi.
Parahatçylyk dörediji we mediatehnologiýa mekdebi Inga Sikorskaýanyň ýurda girmeginiň gadagan edilmegini Türkmenistanda garaşsyz ekspertlere görkezilýän basyş praktikasynyň saklanyp galmagy, olaryň öz işlerini päsgelçiliksiz ýerine ýetirmek hukuklarynyň sylanmazlygy hasaplaýar.