Tramp eýran režimini üzňeleşdirmäge çagyrdy
ABŞ-nyň prezidenti Donald Tramp BMG-niň Howpsuzlyk Geňeşinde Eýran meselesine gozgar. Mundan bir gün öň, Tramp BMG-de ähli döwletleri Tähranyň liderlerini üzňeleşdirmek üçin özi bilen birlikde işleşmäge çagyrdy.
Ýatlatsak, maý aýynda Tramp ABŞ-ny 2015-nji ýyldaky Ýadro ylalaşygyndan çykarypdy.
Galyberse-de, şu aý ABŞ Howpsuzlyk Geňeşine başlyklyk edýär.
Sişenbe güni Tramp Baş Assambleýada eden çykyşynda Eýranyň liderlerini Ýakyn Gündogara “galagoplygy, ölümi we weýrançylygy” döretmekde aýyplady.
Birnäçe sagatdan soň, Eýranyň prezidenti Hassan Rohani çykyş edip, Waşingtony halkara şertnamalaryny berjaý etmezlikde we dünýäde “güýç güýç ýeteniňki” syýasatyny alyp barmakda aýyplady.