Siriýada ‘112 rus harby gullukçysy öldi’
Siriýadaky graždançylyk urşunda soňky üç ýylyň dowamda rus harbylarynyň şahsy düzüminden 112 gullukçy öldi diýip, rus parlamentiniň Goranmak komitetiniň ýokary derejeli bir wekili aýtdy.
Russiýanyň howa-kosmos gullugynyň ozalky başlygy, şeýle-de federasiýa geňeşiniň goranmak we howpsuzlyk komitetiniň ýolbaşçysy Wiktor Bondarýowyň maglumatyna görä, ölenleriň ýarpysyndan gowragy iki hadysada ýogalypdyrlar. Ýagny, geçen aýda Il-25 harby gözegçilik uçarynyň urulmagy netijesinde 15 gullukçy, ýylyň başynda An-26 ýük uçarynyň gaçmagy netijesinde hem 39 gullukçy heläk bolupdyr.
Şol bir wagtda, Bondarýow bu görkezijini Owganystanda 1980-nji ýyllardaky uruşda öldürilen müňlerçe rus esgerleri bilen deňeşdirdi.