ABŞ Russiýanyň BMG-de ýarag ylalaşygyny saklap galmak ses berilişigini böwetlemek ugrunda tagalla edýär
Şu hepde ABŞ-nyň prezidenti Donald Tramp Russiýanyň bu ylalaşygy 2014-nji ýyldan bäri bozup gelýändigini öňe sürüp, ondan çykjakdygyny aýdypdy.
Rus diplomatlary “Orta aralykly ýadro güýçleri” (INF) ylalaşygyny öz güýjünde saklamak baradaky rezolýusiýanyň taslamasyny 25-nji oktýabrda assambleýanyň ýaragsyzlandyrma komitetine hödürlenendigini mälim etdiler.
Emma, ABŞ şu görnüşdäki rezolýusiýany hödürlemek boýunça soňky möhletiň 18-nji oktýabr bolandygyny aýdyp, ony böwetlemek ugrunda ädim ätdi.
Russiýanyň BMG-däki missiýasynyň metbugat wekiliniň maglumatyna görä, häzir komitet mundan beýläk nähili hereket etmelidigi boýunça umumy nokady tapmak ugrunda iş alyp barýar.