AÖB Türkmenistana elektrik geçirijileriniň kuwwatyny artdyrmak üçin $500 million karz berýär
“Türkmenistanyň goňşy ýurtlara elektrik eksportuny artyrmak boýunça düýpli mümkinçiligi bar, bu onuň ykdysadygalkynyşyna we ösüş perspektiwalaryna itergi berer” diýip, neşir AÖB-nyň Merkezi we günbatar Aziýa bölüminiň başlygy Aşok Bhargawanyň sözlerini sitirleýär.
Habarda aýdylmagyna görä, Milli energiýa ulgamynyň pugtalandyrylmagy baradaky taslama Türkmenistanyň elektrik pudagyndaky ilkinji halkara maliýe edarasynyň taslamasy bolup, ýurduň bäş regionynyň dördüsini öz içine alar we özara baglanyşykly milli elektrik ulgamyny gurmaga ýardam eder.
Şeýle-de bu taslamanyň Türkmenistanyň Gazagystan, Gyrgyzystan, Pakistan, Täjigistan we Özbegistan bilen elektrik söwdasyny etmek mümkinçiligini güýçlendirjegi, Owganystana satýan toguny artdyrjagy aýdylýar.
Türkmenistanyň regionlarynda, könelen we ýyllarboýy täzelenmeýän geçirijiler sebäpli ýygy-ýygydan tok kesilýär.