Protestçiler Almatyda sinjiaňly gazak aktiwistiniň azat edilmegini talap etdiler
Protestçiler prezident Kasym-Žomart Tokaýewiň Serikžan Bilaşa bildirilýän etniki agzalalyga meçew bermek aýyplamasynyň ýatyrylmagy meselesine gatyşmagyny talap etdiler.
Demonstrasiýaçylar “Serikžan milli gahryman”, “Serikžany gorkuzmak ähli gazagy gorkuzmagy aňladýar” diýen şygarlar ýaylan plakatlary galdyrdylar.
Atažurt Eriktileri (Watan meýletinçileri) toparynyň lideri Bilaş martdan bäri paýtagt Nur-Soltanda öý tussaglygynda saklanylýar. Ol Gazagystanda oturym alan sinjiaňly etniki gazaklar bilen birnäçe ýygnanyşyk gurandan soň tussag edildi.
Gazagystanda ýaşýan sinjiaňly gazaklar Hytaýdaky garyndaşlarynyň içerki sürgünlikde saklanmagyna şikaýat edýärler.
Bilaş Gazagystan bilen serhetleşýän Sinjiaňda doguldy, ýöne soňra gazak raýatlygyny aldy.