Günorta Koreýa Demirgazyk Koreýany wagyz listowkalaryny ibermezlige çagyrýar
Phenýan 12 million listowkany ibermäge taýýardygyny we munuň öz günorta garşydaşyna garşy iň uly hereket boljakdygyny aýtdy.
Koreýa ýarym adasyndaky dartgynlylyk geçen hepdede hasam güýçlendi. Phenýan Günorta koreýaly toparlaryň serhetden Demirgazyk Koreýa listowka ibermegine degişli hereketlere jogap hökmünde öz giňişliginde ýerleşýän Koreýa-ara aragatnaşyk bölüminiň binasyny partlatdy.
22-nji iýunda Demirgazyk Koreýa Günorta Koreýa 12 million wagyz listowkasyny aşyrmak üçin 3000 şar we beýleki anyklaşdyrylmadyk enjamlaryny öndürendigini aýtdy.
Günorta Koreýanyň Bileleşik ministrliginiň metbugat sekretary Yoh Sangkey Demirgazyk Koreýany Günorta we Demirgazyk Koreýalaryň gatnaşyklary üçin peýdasyz listowkalary Seula ibermezlige çagyrdy.