Özbegistanda hökümete garşy çykan protestçileriň sud diňlenişigi başlandy
Özbegistanyň günortasyndaky Buhara şäherinde şu ýyl ozal görüp-eşidilmedik gerimdäki hökümete garşy protestlere gatnaşan 22 adama garşy, Özbegistanyň konstitusion gurluşyny bozmak aýyplamalary esasynda sud diňlenişigi başlandy.
Özbek resmileri ýurduň Garagalpagystan awtonom respublikasynda tutaşan protestlerde 21 adamyň ölendigini aýdýarlar.
Protestler iýulda häkimiýetleriň regionyň awtonom statusyna täsir etjek konstitusion üýtgetmeleri yglan etmeginden soň döredi.
Garagalpagystanyň esasy şäheri Nukusda dörän gazaplylygyň netijesinde özbek prezidenti Şawkat Mirziýoýew hödürlenýän taslamany ýatyrdy.
Özbegistanda “konstitusion gurluşy bozmak” aýyplamasy esasynda 20 ýyla çenli türme tussaglyk möhleti göz öňünde tutulýar.