Türkmen aýaly Hindistanda adam gaçakçylygynda aýyplanýar

Hindi metbugaty halkara adam gaçakçysy hasaplanylýan iki adamyň tussag edilendigini, olaryň biriniň 36 ýaşyndaky türkmenistanly Aziza Taňrykulyýewadygyny, beýlekisiniň owganystanly Şergetdigini (25 ýaşynda) habar berýär.

Olar adam gaçakçylygy boýunça birnäçe işde güman edilip, bir ýyl bäri Hindistanyň dürli ştatlaryndan gözlenipdir.

Habarda aýdylmagyna görä, olar geçen ýylyň awgustynda Özbegistanyň Nýu-Delidäki ilçihanasynyň daş işiginde ol ýerden kömek sorap baran bir aýly alyp gaçypdyrlar. Şol döwürde Azizanyň alnyp gaçylan aýaly urýandygyny görkezýän wideo sosial ulgamlara ýarady we şondan soň bu iki adam gizlendi.

Polsiýa olaryň birnäçe aýlap Goada gizlenendigini aýtdy.

Sebitiň polisiýa başlygynyň orunbasary Amruta Gugulotyň sözlerine görä, Aziza Hindistana 2015-nji ýylyň dekabr aýynda Türkmenistanyň Lebap welaýatyndan üç aýlyk syýahatçy wizasy bilen gelipdir we yzyna dolanman, bu ýerde bikanun durumda ýaşamaga galypdyr.

Aziza 2016-njy ýylyň ýanwar aýynda Sameer Sezai atly bir adam bilen tanşyp, onuň bilen Jangpurada bile ýaşaýar we, aýdylmagyna görä, şol ýylyň iýun aýynda bolan özara dawada Sezaýy pyçaklap, adam öldürmäge synanyşan hökmünde hasaba alynýar. Ol birnäçe hepde tussag edilip, girew esasynda azatlyga çykýar.