USAGM Azatlyk Radiosyna berlen grantyň bir bölegini derhal tölejekdigini aýdýar
ABŞ-nyň Global Metbugat Gullugy (USAGM) Azatlyk Radiosyna Kongres tarapyndan bölünip berlen serişdeleriň bir bölegini, bu mesele boýunça kazyýet diňlenişiginiň geçiriljek wagtynyň öňüsyrasynda, neşiriň agentligiň federal maliýleşdirmesini togtatmak karary sebäpli hökümete garşy eden şikaýat işiniň çäginde, haýal etmän tölemek ylalaşygyna geldi.
24-nji martda görlen çäre Azatlyk Radiosynyň 1-nji martdan 14-nji mart aralygyna niýtlenen 7,46 million dollar serişdäni aňladýar. USAGM şol seneden öň Azatlyk Radiosyna berýän grantyny kesjekdigini aýdypdy.
"Agentlik tölegiň tölenip başlanmagy üçin haýal etmezden administratiw çäreleri gördi" diýip, USAGM kazyýete iberen hatynda tölegiň 26-njy martda tölenjekdigini we Azatlyk Radiosynyň bu serişdeleri aý ahyryna çenli aljakdygyny aýtdy.