Türkmen baş diplomaty Döwlet departamentiniň ýolbaşçylygy bilen telefonda gürleşdi
22-nji iýunda Türkmenistanyň Daşary işler ministri Raşid Meredow ABŞ-nyň Döwlet sekretarynyň birinji orunbasary Kristofer Landau bilen telen söhbetleşligini geçirdi.
Bu mundan bir gün ozal ABŞ-nyň Eýranyň ýadro desgalaryna garşy amala aşyran zarbalarynyň yz ýanyna gabat geldi.
Türkmenistanyň daşary syýasat edarasynyň maglumatyna görä, Birleşen Ştatlaryň başlangyjy bilen geçirilen söhbetiň dowamynda, beýleki meseleler bilen bir hatarda, hususan-da Ýakyn Gündogar sebitindäki häzirki ýagdaý we bu ugurda ynsanperwer häsiýetli birnäçe meseleleri çözmek boýunça pikir alşylypdyr. Munuň bilen bagly, başga goşmaça jikme-jik berilmedi.
Beýanatda söhbetdeşligiň “dostlukly we konstruktiw häsiýete eýe bolandygy" bellenilýär.