Herson vilâyetinde 100 gektar orman yana – qurtarıcılar
Herson vilâyetinde 100 gektar oraman yana, dep haber ete Ukraina Devlet fevqulade vaziyetler hızmeti.
«Herson vilâyeti orman-av hocalığı idaresiniñ malümatına köre, 100 gektarlıq maydanda alt taraflarda çıqqan 16, 19, 20, 23 ve 24 kvartallardaki yanğın söndürilüvi devam ete. Üst taraflarda yanğı alâmetleri yoq, meskün yerler yanğın havfı altına kirmegendir», – denilmekte idareniñ beyanatında.
Matbuat hızmeti uçaqlar yanğın üstüne 51 ton suv endirgenini qayd ete. Yanğın söndürmek içün 138 kişi ve 47 dane tehnika celp etilgen.
Daa evel bazaertesi künü, yanğın hızmetine Aleşkov rayonı Radensk köyü civarında saat 13:30da ormannıñ alt taraflarında yanğın çıqqanı aqqında haber etilgen. O zaman qurtarıcılar 20 gektarlıq meydanda yanğın çıqqanını iddia etken ediler.