«Qırım sıcaq noqtalardan biri oldı». Zair Smedlâyev qırımtatarlarnıñ telükeleri aqqında (video)
Qırımtatar faali, Qurultay Merkeziy saylav komissiyasınıñ reisi Zair Smedlâyev Qırım.Aqiqatqa qırımtatarlarnıñ halq tirenüvi ve Qırımnıñ tamır halqınıñ muhtariyetini qurmaq imkânları aqqında tarif etti. Bundan ğayrı, o, yarımadada işğal şaraitlerinde qırımtatarlarnıñ telükeleri aqqında aytmağa qorqmağanını bildirdi.
Rusiye Qırımnı işğal etken soñ andaki akimiyet mustaqil jurnalist, cemaat faalleri, qırımtatar milliy areketiniñ faalleri, Milliy Meclis azaları ve Rusiyede yasaqlanğan «Hizb ut-Tahrir» teşkilâtınen alâqaları bar olğanında şeklengen Qırım musulmanlarınıñ evlerinde sıq-sıq tintüv keçire. Halqara teşkilâtlar, Qırımnıñ işğali ve ilhaqını qanunsız tanıp, Rusiyeniñ areketlerini takbih ettiler. Ğarp devletleri bir sıra iqtisadiy sanktsiyalarnı qullandı. Rusiye, yarımadanı işğal etkenini inkâr etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevralniñ 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.