Aqyarda yanvarniñ 1-nden başlap gaz ve suv paalılaştı
Aqyarda yanvarniñ 1-nden başlap gaz ve suv fiyatları arttı.
Şeerniñ Rusiye ükümeti bildirgenine köre, suv fiyatı metr kub içün 39,28 ruble oldı, suv – 29,27 ruble.
«Yanvarniñ 1-nden başlap gaz fiyatı metr kub içün 4,27 rublege arttı. Bu fiyat yılda 3500 metr kubqa qadar qullanğan insanlarğa nisbeten işletilecek. Yılda 3500 metr kubdan çoq qullanğanlar içün fiyatlar metr kub içün 8,07 rublege (şimdi metr kub içün 7,90 ruble) artacaq», – dep aytıla haberde.
2018 senesi yazda Aqyarda kommunal hızmetlerniñ fiyatları 4%-ğa arttı.
Qırımda yanvarniñ 1-nden başlap eali içün gaz fiyatları arttı, yılda 3500 metr kubqa qadar qullanğanlar aş pişirmek, suv qızdırmaq ve ev qızdırmaq içün biñ metr kub fiyatı 4 827,08 rublege çıqacaq, yılda 3500 metr kubdan ziyade qullanılsa – 8 627,47 ruble. Bundan evel fiyat 3,9895 ruble edi.