«Aqmescitte ğururnen dalğalanacaq»: 20 metrlik Ukraina bayrağını Qırımğa uçuruv (video)
Kramatorsk, Kyiv, Herson ve Zaporijjâ vilâyetleriniñ göñüllileri dekabrniñ 4-nde 20-ge 6 metrlik Ukraina bayrağını ava kürrelerinen işğal etilgen Qırım tarafına uçurdı. Cuma künü göñülliler Qırım ve Herson vilâyetiniñ memuriy sıñırındaki «Çonğar» keçiş noqtasına keldi. Ukraina bayrağını Kramatorsk sakini Oksana Muravleva tikti, dep tarif etkenler. Aktsiya iştirakçileriniñ qayd etkenine köre, olar işğal etilgen Qırım sakinlerine qol tutmağa istedi. Olar saba qırımtatar faali Kazim Ametovnıñ evinde Rusiye quvetçileri tarafından keçirilgen tintüv aqqında bildirdi. Bayraqnen beraber Qırımğa «Qırım – Ukrainadır» yazılı 10000 risale uçurıldı. Bayraq ve risale parasını lâqayt olmağan vatandaşlar, hususan Rusiyeniñ Qırım işğalinden soñ yarımadadan esas Ukrainağa ketken qırımlılar topladı.