ABD-niñ Ukrainadaki sabıq elçisi: «Putinniñ Aqyarğa kelmesi Qırımnıñ Ukrainanıñ olması faktını deñiştirmey»
ABD-niñ Ukrainadaki sabıq elçisi Stiven Payfer Rusiye prezidenti Vladimir Putinniñ işğal etilgen Qırımğa kelmesine cevap berdi.
"Putin Ruiyeniñ Milliy birlik kününi Rusiye tarafından işğal etilgen Qırımğa seferi ile qayd ete. Onıñ kelmesi Qırımnıñ Ukrainanıñ olması faktını deñiştirmey", - dep yazdı o.
Noyabrniñ 4-nde Rusiye prezidenti Vladimir Putin işgal etilgen Aqyarğa kelip çıqtı. O, Milliy birlik kününe bağışlanğan tedbirlerde iştirak etti ve "Qırım ve Aqyar ebediyen Rusiye ile" olğanını bildirdi.
Ukraina TİN Rusiye prezidenti Vladimir Putinniñ işğal etilgen Qırımğa kene kelmesine qatiy narazılıq bildirdi.