Qırım ve Herson vilâyeti arasında demiryol alâqası "qısmen" işley - Ukraina arbiy istihbaratı
Ukraina arbiy istihbaratınıñ reberi Kirill Budanov Qırım.Aqiqatqa intervyü vaqtında Qırımdan Herson tarafqa demiryol alâqasınıñ işlemesi faktını tasdıqladı, amma trenlerniñ vilâyet merkeziniñ özüne barıp çıqmağanını bildirdi.
"Qısmen işley. Bu olduqça qısqa ara olğanını añlamaq kerek, bu arbiy yükniñ: arbiy tehnika, silâ, yaqıtnıñ naqil etilmesi içündir. Bunı eşitmege istesiñiz: Hersonğa ketirmeyler", - dedi Budanov.
Evel bir sıra Qırım ve Rusiye haber vastaları Qırımdan istilâdan soñra rus arbiyleri tarafından işğal etilgen Hersonğa trenler qatnap başlağanını aqqında haber etken ediler.
Fevralniñ 24-nde saba saat 5-te Rusiye prezidenti Vladimir Putin «DNR» ve «LNR» gruppirovkalarınıñ «muracaatından» soñ Donbasta «mahsus operatsiya» başlatqanını ilân etti. Bundan soñ Kyiv, Harkiv, Odesa, Kramatorsk, Berdânskta patlav ve raketa darbeleri aqqında haber etildi.
Ukraina prezidenti Volodımır Zelenskıy umumiy seferberlik buyruğını imzaladı. Ğarp memleketleri Ukrainağa yapılğan ücüm sebebinden Rusiyege qarşı yañı sanktsiyalarnı qullanıp başladı.
Doğrudan ücümge baqmadan, Kreml Ukraina işğali niyetini inkâr ete. Rusiye Mudafaa nazirligi Ukraina tarafınıñ tüşürilgen Rusiye uçaqları, patlatılğan zırhlı tehnika, Rusiye arbiyleriniñ ölümleri aqqında malümatını red ete ve Ukraina şeerlerine ateş açılmay, dep bildire.
Rusiye Mudafaa nazirligi Ukraina tarafınıñ tüşürilgen Rusiye uçaqları, patlatılğan zırhlı tehnika, Rusiye arbiyleriniñ ölümleri aqqında malümatını red ete ve Ukraina şeerlerine ateş açılmay, dep bildire. Başta Rusiye arbiyleri ölgenini inkâr ettiler. Amma fevralniñ 27-nde Rusiye Federatsiyası Mudafaa nazirliginiñ resmiy vekili İgor Konaşenkov Ukrainada ölgen ve yaralanğan Rusiye askerleri bar, dep ayttı. Sayısını aytmadı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: rukrymr.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.