Mariupol şeer şurası: öz közünen körgenler Drama teatriniñ bombalavı neticesinde 300-ge yaqın adam ölgeni aqqında haber ettiler
Martrıñ 25-nde Mariupol şeer şurası öz köyüzünen körgenlerge atfı etip, martnıñ 16-nda Rusiye arbiyleriniñ ücüminiñ obyektine çevirilgen Drama teatriniñ viraneleri altında sağ qalğanlar olğanına artıq inanmağanını bildirdire.
"Öz közünen körgenleri Mariupoldeki Drama teatrinde bombalav neticesinde 300-ge yaqın adam ölgeni aqqında haber ettiler. Buña inanmağa istemeymiz. Er kes qurtulıp olğanına inanmağa isteymiz. Amma bu terror eylemi vaqtında binada bulunğanlar başqasını aytalar", - dep yazıla haberde.
Arbiy areketler sebebinden muarririyet adamlarnıñ sözlerini ya da Mariupol akimiyetiniñ malümatını teşkerip olamay.
Martnıñ 16-nda Rusiye arbiyleri adamlar ateşke tutmalardan saqlanğan Donetsk vilâtindeki Mariupolniñ Drama teatriniñ binasına bomba atqan edi.
Fevralniñ 24-nde saba saat 5-te Rusiye prezidenti Vladimir Putin «DNR» ve «LNR» gruppirovkalarınıñ «muracaatından» soñ Donbasta «mahsus operatsiya» başlatqanını ilân etti. Bundan soñ Kyiv, Harkiv, Odesa, Kramatorsk, Berdânskta patlav ve raketa darbeleri aqqında haber etildi.
Ukraina prezidenti Volodımır Zelenskıy umumiy seferberlik buyruğını imzaladı. Ğarp memleketleri Ukrainağa yapılğan ücüm sebebinden Rusiyege qarşı yañı sanktsiyalarnı qullanıp başladı.
Doğrudan ücümge baqmadan, Kreml Ukraina işğali niyetini inkâr ete. Rusiye Mudafaa nazirligi Ukraina tarafınıñ tüşürilgen Rusiye uçaqları, patlatılğan zırhlı tehnika, Rusiye arbiyleriniñ ölümleri aqqında malümatını red ete ve Ukraina şeerlerine ateş açılmay, dep bildire.
Rusiye Mudafaa nazirligi Ukraina tarafınıñ tüşürilgen Rusiye uçaqları, patlatılğan zırhlı tehnika, Rusiye arbiyleriniñ ölümleri aqqında malümatını red ete ve Ukraina şeerlerine ateş açılmay, dep bildire. Başta Rusiye arbiyleri ölgenini inkâr ettiler. Amma fevralniñ 27-nde Rusiye Federatsiyası Mudafaa nazirliginiñ resmiy vekili İgor Konaşenkov Ukrainada ölgen ve yaralanğan Rusiye askerleri bar, dep ayttı. Sayısını aytmadı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: d3hzcgsd893cx5.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.