Rusiyeniñ raketa ücümleri sebebinden Ukrayınada 6 insan elâk oldı, daa 36 kişi yaralandı – polis
Ukrayına Milliy polisiniñ yolbaşçısı İğor Klımenko bugün Rusiyeniñ Ukrayınağa qarşı yapqan raketa ücümleri neticesinde altı kişi can berdi, 26 insan yaralandı.
«Al-azırda devletimizde 16 obyektke raketa tüşkeni qayd etildi. Kyiv vilâyetiniñ Vışğorodındaki evge raketa tüşti – üç insan elâk oldı, 20 kişi yaralandı. Ukrayınada altı insannıñ ölümi ve 36 kişiniñ yaralanğanı qayd etildi», – dep tarif etti o, milliy telemarafon yayınında.
Qırım.Aqiqat bildirgenine köre, Kyivge qarşı raketa ücümleri sebebinden zarar körgenlerniñ sayısı 11 oldı, dep bildirdi şeer yolbaşçısı Vitaliy Klıçko.
Noyabrniñ 23-nde Rusiye Ukrayına mesken yerlerine kene raketa ücümlerini kerçekleştirdi. Ukrayına akimiyeti Kyivdeki kritik infrastruktura obyektine darbe endirildi, dep bildirdi. Odesa vilâyeti ve Lviv ışıqsız qalğanlar.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.