Новости за 02.02.2024

Россия Фәннәр академиясе Россиядә мәктәп дәреслекләре экспертизасын кире кайтарырга планлаштыра. Бу турыда Татарстан Мәгариф һәм фән министрлыгы хәбәр итте.

Удмуртиянең «Яңарыш» газетасында Гөлнара Вәлиеваның «Никах укылуын сизми дә калдым» дигән язмасы чыкты.

Түбән Кама рус җәмгыяте каршындагы «Хозяюшка» ял һәм аралашу клубы эшчеләре хәрбиләр өчен 30 посылка җыйган. Бу хакта Түбән Кама муниципаль районы рәсми сайтында хәбәр ителә.

11 февраль көнне 9.00 сәгатьтә Әгерҗе авылы буасында (Шкаповка каршында) Азнакай муниципаль район башлыгы кубогына картинг буенча кышкы ярышлар уздырыла. Бу хакта «Азнакай» хәбәр итә.

Чүпрәле район башлыгы Марат Гафаров Чуваш Бизнәсе авылыннан күп балалы Фоминнар гаиләсе белән очрашты. Ул балаларның укуларындагы һәм хезмәтләрендәге уңышлары, гаиләнең ихтыяҗлары һәм тормыш шартлары белән кызыксынды. Бу хакта «Туган як» сайтында хәбәр ителә.

Районның барлык авылларыннан муллалар, мөслимәләр һәм абыстайлар Апасның «Җәмигъ» мәчетенә җыйналды. Биредә 2023 елга йомгак ясап, яңа елга бурычлар билгеләделәр. Бу хакта «Апастово-информ» хәбәр итә.

Әлмәттән чираттагы гуманитар ярдәм махсус хәрби операция зонасында хәрби бурычларны үтәүче якташларына җибәрелә. Хәрбиләр үтенече буенча «Мегасеть» штабы хәрбиләргә 650 шәм һәм кечкенә мич җибәрә.

Протестлар вакытында төбәкләрдә мессенджерларны сүндерәләр, Рунет изоляциясенә әзерләнеп булмый, ләкин IT-белемнәрне арттыру кирәк, башкорт каналларын томалауда Telegram-ның максатчан гаебе күренми. Азатлык сорауларына "Роскомсвобода" техник белгече җавап бирә.