Татарстан импортны алыштыру темасы буенча медиарейтингта беренче урынны яулады
(Казан, 21 ноябрь, «Татар-информ»). 2019 елның октябрь ае нәтиҗәләре буенча Татарстан импортны алыштыру өлкәсендә Россия төбәкләренең медиаактивлыгы рейтингында беренче урынны яулады. Бу хакта ТАСС агентлыгы импортны алыштыру өлкәсендә «Приоритет» илкүләм премиясенә сылтама белән хәбәр итә.
<~>Республиканың популярлык индексы 1989га тигез. Әлеге контекстта гаммәви мәгълүмат чараларында телгә алынган вакыйгалар арасында Татарстан һәм «Газпром» акционерлык җәмгыяте җитәкчелегенең Иннополиста узган очрашуын атап үтәргә мөмкин.
<~>Әлеге очрашуда яклар чит илдә эшләнгән LMF компрессорларын Россиянекенә алмаштыру өчен импортны алыштыру программасы кысаларындагы хезмәттәшлек хакында фикер алышты.
<~>Моннан тыш, элегрәк хәбәр ителгәнчә, Казанда вируссыз бакча микроүсемлекләре җитештерү буенча биотехнологияләр үзәге төзү күздә тотыла. Бу утырту материаллары өлкәсендә импортны алыштыру проблемасын тулысынча хәл итәргә мөмкинлек бирәчәк.
<~>Медиарейтингта беренче өчлеккә шулай ук Мәскәү өлкәсе (1701,1) һәм Краснодар крае (1445) керде.
<~>