Питрәч районының Шәле авылы «Тургай» балалар бакчасы ярты миллион сумлык грант откан
(Казан, 30 ноябрь, «Татар-информ», «Алга»). Питрәч районының Шәле авылы «Тургай» балалар бакчасы ярты миллион сумлык грант откан. Акча билингваль белем бирүнең балалар өчен предмет-үсеш мохитен булдыруга тотылачак. Бу турыда район басмасы хәбәр итә.
Мәктәпкәчә учреждениедә йөз кырык ике бала исәпләнә. Алар санау буенча база белемнәрен алалар һәм беренче яшьләреннән үк рус, татар һәм инглиз телләренә өйрәнәләр. Тәрбиячеләр бер урында гына тормый, алар даими рәвештә белемнәрен арттырырга омтыла.
Балалар бакчасы хезмәткәрләре телләрне өйрәнүгә басым ясап, иҗади балалар киңлеген үстерүгә юнәлдерелгән проект эшләде. Акчаны иҗади чаралар өчен балалар костюмнарына тотарга, милли киемнәрдәге курчаклар сатып алырга телиләр. Калган акчаларны балалар бакчасының техник базасын яңартуга һәм заманча ноутбуклар сатып алуга тотарга планлаштыралар.