Түбән Камада авыллар тарихы энциклопедиясен нәшер итү планлаштырыла
(Казан, 30 ноябрь, "Татар-информ"). Иҗтимагый совет инициативасы белән Түбән Камада туган якны өйрәнү хәрәкәтен үстерү турында фикер алышу үтте. Утырыш ТАССРның 100 еллыгын бәйрәм итүгә багышланды. Бу турыда Түбән Кама муниципаль районы рәсми сайтында хәбәр ителә.
«Ковер» үзәгендә узган очрашуда башка шәһәрләрдән дә вәкилләр бар иде.
Түбән Камада туган якны өйрәнү эше алып барыла, әмма өстәмә инициативаларны алга этәрергә кирәк – утырышта катнашучылар шундый фикергә килде.
Мисал өчен, Түбән Кама районының Зур энциклопедиясен нәшер итү буенча эшче төркем булдыру, грант ярдәмен активрак файдалану, туган як тарихын өйрәнүгә авыл халкын җәлеп итү кирәклеге турында тәкъдимнәр яңгырады.