Татарстанда юл-транспорт һәлакәтендә бер кешенең гомере өзелгән, өчесе имгәнгән
(Казан, 30 декабрь, «Татар-информ», Алексей Новиков). Татарстанда ике җиңел машина кара-каршы бәрелү сәбәпле, бер кеше үлгән, өчесе имгәнгән. Бу турыда юл-транспорт һәлакәте шаһитлары хәбәр итә.
Шаһитлар сүзләренчә, һәлакәт кичә кич Мамадыш-Кукмара юлында булган.
«Форд Мондео» белән тугызынчы модельле «Лада» автомобильләре бәрелешкән. Һәлакәттә бер кешенең гомере өзелгән. Өч кеше имгәнгән. Аларны хастаханәгә озатканнар.