Кыш бабай Баулы ветеринария табибларына яңа йорт ачкычлары тапшырды
(Баулы, 30 декабрь, «Татар-информ», «Баулы-информ», Кадрия Гыймазова). Бүген, Яңа ел алдыннан, Баулы районының Васькино Туйралы һәм Николашкино авылларында ветеринария табибларына яңа йорт ачкычлары тапшырылды. Бу турыда район басмасы хәбәр итә.
Районда ике торак йорт «Авыл җирлегендә белгечләр өчен аренда торагы» республика программасы буенча республика Президенты каршындагы Дәүләт торак фонды акчалары хисабына төзелде. Һәр йортны сафка бастыруга Татарстан бюджетыннан миллион ярым сум бирелгән.