Путин Белоруссиягә нефть һәм газ җибәрү турында Лукашенко белән фикер алышты
(Казан, 30 декабрь, «Татар-информ»). Бүген Россия Президенты Владимир Путин һәм Беларусь Президенты Александр Лукашенко телефон аша Белоруссиягә Россиядән нефть һәм газ җибәрү турында фикер алышты. Бу хакта БЕЛТА хәбәр итә.
«Беларусь һәм Россия президентлары бүген телефоннан сөйләште. Алар Беларусь Республикасына нефть һәм газ җибәрүгә кагылышлы конкрет мәсьәләләр турында фикер алыштылар», диелә хәбәрдә.
Шулай ук коллегалар бер-берсен якынлашып килүче бәйрәм белән котладылар.