Чабаксарда Идел буе спортчылары катнашында җигүле эт ярышлары узды
(Яшел Үзән, 13 гыйнвар, «Татар-информ», «Яшел Үзән»). Чабаксарда Идел буе спортчылары катнашында җигүле эт ярышлары узды. Анда 9 спортчы катнашты, алар арасында Йошкар-Ола, Яшел Үзән, Казан һәм Чабаксар шәһәре вәкилләре дә бар иде.
Ярышлар паркның ачык мәйданчыкларының берсендә старт алып шунда төгәлләнде дә. Ә чабыш юллары исә урман буйлап узды һәм аның озынлыгы 800 метрдан 1500 метрга кадәр тәшкил итте.
Күңел ачу программасы барышында тамашачылар этләрнең иң дустанә токымы саналган хаски токымының тормышы һәм аларны асрау турында белеп кенә калмады, шулай ук спортчылар һәм аларның дүрт аяклы дуслары белән дә таныша, аралаша алды.
Ярышларда катнашучыларның барысы да дипломнар һәм истәлекле бүләкләр алды