Татарстанда онлайн белем бирү өчен бердәм платформа булдырырга ниятлиләр
(Казан, 9 апрель, «Татар-информ», Гөлнар Гарифуллина). Татарстанда онлайн белем бирү өчен бердәм платформа булдырырга ниятлиләр. Бу хакта онлайн брифингта ТР Президенты матбугат хезмәте җитәкчесе Лилия Галимова хәбәр итте.
«Берсеннән берсенә күчмәс өчен, бөтен дәресләр бер платформада гына узсын иде дигән теләкләр бар. Хәзер бу сорау эшкәртелә, өйрәнелә. Президент Татарстанда аерым бер белем бирү платформасын булдыру мәсьәләсе каралганын әйтте», — диде Лилия Галимова.
Аның сүзләренчә, Дәүләт идарәсен цифрлы нигездә үстерү һәм Мәгариф һәм фән министрлыклары өйрәнә торган тәҗрибә аерым системага нигез булырга мөмкин.