Милли китапханә онлайн рәвештә эшләүне дәвам итә
(Казан, 9 апрель, «Татар-информ»). 30 апрельгә кадәр Татарстан Республикасы Милли китапханәсе биналарында укучыларга хезмәт күрсәтү туктатып торыла. Китапханә онлайн эшли. Бу турыда китапханәнең матбугат хезмәте хәбәр итте.
Әлеге чара Россия Президенты 2 апрельдә имзалаган «Яңа коронавирус авыруы (COVID-19) таралу белән бәйле рәвештә Россия Федерациясе территориясендә халыкның санитар-эпидемиологик иминлеген тәэмин итү чаралары турында» Указын үтәү максатында башкарыла.
Сез читтән торып түбәндәге мәгълүмат — китапханә хезмәте төрләреннән файдалана аласыз:
- Электрон каталог
- Белешмә-мәгълүмат ресурслары
- «Китапханәчедән сора» белешмә хезмәте
- Электрон китапханә
- Виртуаль күргәзмә
Кабул ителгән кисәтү чаралары махсус режим вакытын кыскартырга мөмкинлек бирер һәм озак та үтми без Китапханәдә яңадан очрашырбыз дип өметләнәбез. Безнең сайтта һәм социаль челтәрләрдә куелган яңалыкларыбыз белән танышып барыгыз, диелә хәбәрдә.
Instagram: https://www.instagram.com/kitaphane_tatarstan/
ВКонтакте: https://vk.com/kitaphane_tatarstan