Татарстанда коронавирустан дәваланып терелгән дүрт кешене хастаханәдән чыгарганнар
(Казан, 9 апрель, «Татар-информ», Гөлнар Гарифуллина). Татарстан хастаханәләреннән коронавирустан дәваланып терелгән дүрт кеше чыгарылган. Бу хакта ТР Президенты матбугат хезмәте җитәкчесе Лилия Галимова хәбәр итте.
Ул алар барысы да Казан кешеләре булуын әйтте.
Татарстанда коронавирус инфекциясенең тугыз яңа очрагы расланган. Өч очрак Казанда, өчесе Чаллыда, Әлмәт, Биектау районнарында — берәр очрак. Шул рәвешле, коронавирус белән авыручылар саны иллегә җитте.