Россиялеләрне дүрт көнлек эш атнасы көтә
(Казан, 8 июнь, «Татар-информ»). 12 июньдә Россия Көнен бәйрәм итү уңаеннан, ил халкы бу атнада дүрт кенә көн эшләячәк. Бу хакта РИА Новости яза.
Россия Хезмәт министрлыгында әйтүләренчә, бу атнада 8-11 июнь - эш көннәре булачак.Бәйрәм алды көне булу сәбәпле, 11 июньдә эш көне бер сәгатькә кыскартылачак.
Моннан тыш, ведомствода искәртүләренчә, президент Владимир Путин карары нигезендә, 24 июнь хезмәт хакы саклана торган ял көне булачак.
Бу очракта 23 июнь бәйрәм алды көне булып саналмый, шуңа күрә эш вакыты бер сәгатькә кыскартылмый.