Татарстанда кораллы ир-ат кибеттә сатучы үсмер кызга һөҗүм иткән
(Казан, 17 июль, «Татар-информ», Полина Шевчук). Татарстанда кораллы һәм битлек кигән ир-ат кибеттә сатучы яшүсмергә һөҗүм иткән. Бу хакта «Татар-информ» мәгълүмат агентлыгына Россия Тикшерү комитетының ТР буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итте.
Тикшерү фаразы буенча, кичә көндез Әлмәт районы авылларының берсендә кибеткә битлек кигән ир-ат кергән. Җинаятьче, 14 яшьлек сатучы кызга пистолетка охшаган предмет белән янап, барлык акчаларны бирүен таләп иткән. Куркып калган бала иргә 1,6 мең сум акча биргән, шуннан соң җинаятьче качкан.
Җинаятьчене кайнар эздән тоткарлаганнар. Ул 32 яшьлек җирле кеше булып чыккан, аның автомобилендә полицейскийлар битлек һәм пневматик пистолет тапкан.
Тикшерүчеләр үсмер кызны кибеттә үзен генә анда эшләүче әтисе калдырганны да ачыклаганнар. Ир-атка китеп торырга кирәк була һәм ул кызын кибеттә калып торырга сорый.
«Талау» маддәсе буенча җинаять эше кузгатылган. Якын арада ир-атка җәза билгеләнәчәк.