Әдәбият тәнкыйтьчесе, шагыйрь, язучы Мөдәррис Вәлиев вафат
(Казан, 27 август, «Татар-информ», Зилә Мөбәрәкшина). Әдәбият тәнкыйтьчесе, шагыйрь, язучы һәм нашир Мөдәррис Вәлиев вафат булган. Бу хакта «Татар-информ» хәбәрчесенә ТР Язучылар берлеге рәисе урынбасары Рәмис Аймәт сөйләде.
«Ул озакка сузылган авырудан соң 67 яшендә үлде. Ул иртәгә җирләнәчәк. Озату вакыты соңрак билгеле булачак. Якыннарының кайгысын уртаклашабыз», — диде ул.