Миңнеханов «КАМАЗ-мастер»ны «Дакар-2021» раллиенда җиңүләре белән котлады
![Миңнеханов «КАМАЗ-мастер»ны «Дакар-2021» раллиенда җиңүләре белән котлады](https://tatar-inform.tatar/attachments/d655063831125334421dd9958ea849368a4646a0/store/fill/780/440/fed9c8825f67f8c8aabb98e9e0f5082101221984f5979688ff31f4dc5cee/83E766BB-ACA4-4699-94E4-AA4854A2B002.jpeg)
(Казан, 15 гыйнвар, «Татар-информ»). Татарстан Президенты Рөстәм Миңнеханов «КАМАЗ-мастер» командасын «Дакар-2021» раллиенда җиңүләре белән котлады. Бу хакта «Татар-информ» мәгълүмат агентлыгына Татарстан Президенты матбугат хезмәте җитәкчесе Лилия Галимова хәбәр итте. «Республика Президенты „КАМАЗ-мастер“ командасын җиңүләре белән котлады! Рөстәм Миңнеханов видео буенча Владимир Чагин һәм Эдуард Николаев белән элемтәгә керде», — диде Лилия Галимова. Дмитрий Сотниковның экипажы узышның хәлиткеч этабында икенче нәтиҗә күрсәтте һәм генераль классификация нәтиҗәләре буенча легендар раллида җиңү яулады.