Бакуда «Коркутнамә» китабын тәкъдим иттеләр
(Казан, 25 гыйнвар, «Татар-информ»). Бакуда Халыкара төрки мәдәният һәм мирас фондында Төркиянең танылган шагыйре Кянан Чарбоганнның «Коркутнамә» китабын тәкъдим иттеләр.
Китап Төрки дөньяның уртак мирасы булган «Китаби-Деде Коркут» эпосы нигезендә язылган. Бу турыда «Анадолу» агентлыгы хәбәр итә.
Төрки фольклор тарихын белдерү формасы нәкъ менә эпос булуы очраклы түгел. Кенан Чарбоганның «Коркутнамә» китабы соңгы ун елда иң мөһим әсәрләрнең берсе булып тора.
«Китаби-Деде Коркут» эпосы — Азәрбайҗан һәм бөтен төрки халыкларның әдәби һәйкәле. Әлеге эпос безнең тарихыбыз һәм милли тиңдәшлегебез чагылышында шактый ышанычлы һәм лаеклы чыганак булып тора», — диде Азәрбайҗан мәдәният министры Анар Керимов.