(Казан, 28 гыйнвар, «Татар-информ»). Түбән Каманың «Ковер» үзәгендә Алып баручылар мәктәбе ачылды. Анда бәйрәмнәр алып баручы һөнәрен үзләштереп була Җәй азагында Солнечногорскида «Территория смыслов» форумы узган, анда «Ковер» үзәге хезмәткәре Алинә Постнова, Түбән Камада бәйрәмнәр алып баручы мәктәбе проектын гамәлгә ашыру өчен, 140 мең сум күләмендә грант откан. Бу турыда Түбән Кама муниципаль районы рәсми сайты нда хәбәр ителә. «Безнең проектның максаты — яшь алып баручыларны сәхнәдә үз-үзләрен ышанычлы тотарга һәм халык белән аралашырга өйрәтү, шулай ук оештыру сәләтен үстерү», — ди Алинә. Гыйнвар уртасыннан курсларда актерлык һәм ораторлык осталыгы, тавыш һәм сөйләмне кую, сценарий эше һәм импровизация юнәлешләре буенча теоретик белем бирү башланган. Практик өлештә курста белем алган яшьләр шәһәр һәм муниципаль чараларда үз осталыкларын камилләштерәчәк.