Мөслимдә яңа ашлык киптерү комплексы файдалануга тапшырылды
![Мөслимдә яңа ашлык киптерү комплексы файдалануга тапшырылды](https://tatar-inform.tatar/attachments/839c90a92c864f58a63ea7b8a89eb423164fece3/store/crop_and_fill/68/74/576/324/780/440/d392002dd827bb07316e1983e5fe89b9b6c1432757cc46b3538cc2e3cb3b/16cf5627a1297b7a24f8b9dd03be6d79.jpg)
(Мөслим, 28 гыйнвар, «Татар-информ», « Мөслим-информ »). «Август-Мөслим» агрофирмасының Иске Карамалы бүлекчәсендә яңа ашлык киптерү комплексы файдалануга тапшырылды. Ул сәгатенә 50 тонна икмәк эшкәртү куәтенә ия.
Комплекс «Август-Агро» хуҗалыкларын үзләре әзерләгән бөртекле һәм бөртекле-кузаклы культуралар орлыгы белән тәэмин итәчәк. Орлык әзерләүнең тулы циклын — бөртекләрне чистарту, киптерү, калибрлау һәм инкрустацияләү кебек эшләрне башкарачак. Бу турыда район мәгълүмат үзәге хәбәр итә.
Яңа комплекс аша чыккан 100 тоннадан артык арпа орлыгы «Август-Кама тамагы» хуҗалыкларына озатылды инде. Киләчәктә шундый ук комплекс «Август-Теләче» агрофирмасы базасында да төзеләчәк.