Татарстанда юл кырыена төшеп киткән автомобильнең пассажиры имгәнгән
(Казан, 22 февраль, «Татар-информ»). Татарстанда автомобиль юл кырыена төшеп киткән. Машинадагы пассажир имгәнгән.
Беренчел мәгълүматлар буенча, бүген көндез Әлмәт районы юлында, Рус Акташы авылы янында «Киа» йөртүчесе бозлавык юлда идарә итә алмаган һәм юл кырыена төшеп киткән. Бу турыда «Татар-информ» агентлыгына юл һәлакәте шаһитлары сөйләде.
Шаһитлар сүзләренчә, һәлакәттә автомобиль салонындагы хатын-кыз имгәнгән. Аны якындагы хастаханәгә алып киткәннәр.