Актаныш районында «Әни балачагы» республика акциясенә йомгак ясадылар
(Актаныш, 17 апрель, «Татар-информ», « Актаныш-информ »). Актаныш районының «Такталачык сәламәтлек мөмкинлекләре чикләнгән балалар өчен интернат-мәктәбе»ндә «Әни балачагы» республика акциясенә йомгак ясалды. Анда Актаныш муниципаль районының белем бирү учреждениеләре катнашты. Акция 2021 елның 1 мартыннан 1 апреленә кадәр ТР Мәгариф һәм фән министрлыгы ярдәмендә республика ата-аналар Советы тарафыннан үткәрелде. «Әни балачагы» республика акциясе балаларны һәм ата-аналарны якынайту өчен шартлар тудыру, үсеп килүче буын арасында гаилә кыйммәтләрен, имин гаилә һәм гаилә кыйммәтләрен популярлаштыру, әти-әниләргә карата горурлык һәм хөрмәт тәрбияләү максаты белән үткәрелде.