Коткаручылар Саба районында урманда адашкан ир-атны зират янында тапкан
![Коткаручылар Саба районында урманда адашкан ир-атны зират янында тапкан](https://tatar-inform.tatar/attachments/72df6f1c5cb193e2b9eeceb0efa4f138e7f5e593/store/crop_and_fill/0/0/780/1040/780/440/6c86fb29269d0e2a98f0c3824863f68a3300facfb14b1a1fcda0bda7e330/cf2d16fb8f563d3dfe94288c47590ba2.jpg)
(Казан, 25 апрель, «Татар-информ»). Коткаручылар бер сәгать дәвамында Саба районында урманда адашкан өлкән яшьтәге ир-атны эзләделәр, дип сөйләделәр «Татар-информ»га ТР буенча Россия Гадәттән тыш хәлләр министрлыгы Баш идарәсе матбугат хезмәтендә.
112 ашыгыч ярдәм хезмәтен чакыру бердәм номерына 70 яшьлек ир-атның Шәмәрдән авылындагы профилакторий янында урманда адашуы турында хәбәр алынган. 4нче зона-коткару отряды коткаручылары шунда ук урынга чыгып, полиция хезмәткәрләре белән бергә югалган кешене эзли башлаган.
Нәтиҗәдә, ир-ат зират тирәсендә табылган. Аңа медицина ярдәме кирәк булмаган.